गोवा कर्मचारी निवड आयोग (गोवा स्टाफ सिलेक्शन कमिशन – जीएसएससी) ही गोवा विधानसभा, गोवा कर्मचारी निवड आयोग अधिनियम, 2019 च्या कायद्यांतर्गत स्थापन केलेली संस्था आहे. सरकारने आयोगाकडे संदर्भित केलेल्या विषयांवर आयोग सरकारला सल्ला देते.

एखाद्या खात्यामध्ये किंवा संवर्गामध्ये (कॅडर) विशिष्ट पदासाठीच्या रिक्त जागांची संख्या नमूद करणार्‍या प्रस्तावांच्या स्वरूपात सरकारकडून मागण्या येतात. ही पदे, पात्र उमेदवारांकडून अर्ज मागवून थेट भरतीच्या माध्यमातून भरली जातात. ही भरती, संविधानाच्या अनुच्छेद 309 अन्वये, सरकारतर्फे तयार करण्यात आलेल्या भरती नियमांद्वारे नियंत्रित व मार्गदर्शित केलेली आहे. आयोग भरती नियमांनुसार, महत्त्वाच्या अर्हता व अनुभव यांच्या आवश्यकतांसह रिक्त पदांची संख्या अधिसूचित करून जाहिराती प्रसिद्ध करेल.